ACR Laarseeraq Skifte pillugu: Kusanartumik inuulluaqquneqarnissaa naleqquttuuvoq
Laarseeraq Skifte marlunngornermi apriilip ulluisa qulingiluaanni nakkarluni ajutoorujussuarnermi kingorna pingasunngornermi apriilip ulluisa qulinganni toquvoq. Taassuma timaata nunagisaanut Sisimiunut tikuinneqarnera, suleqataaffigilluarsimasaanut Arctic Circle Racemut Sisimiunilu sisorartartut peqatigiiffianiit SSP-mit aaqqissuunneqartumik malunnartitsisoqarpoq.
Laarseeraq Skifte sisorarnermi timersuutinik arlalinnik ilitsersuisuuffeqartarsimavoq. Taamatullu timaata tikiunneqarnerani Sisimiuni innuttaasut kusananertumik eqqaaniaanissaminnik peqqutissaqarluartut, aaqqissuisoq isumaqarpoq.
- Arctic Cicle Race aallartinneraniilli, Laarseeraq peqataajuaannavissimavoq, siuttuujuartarsimavoq taamaattuuneralu uagutsinnut pingaaruteqarsimavoq ataqqinninnermik takutsitsiffiussasoq, timaata tikiunneqarnerani, Laarseeqqap timaata tikiunneqarnerani malunnartitsiniarnermi aaqqissuisoq, Hans-Lars Møller oqarpoq.
