Kunuunnguaq ukiunik qulinngortorsiorpoq
Tassa ataasinngorpat Air Greenlandip nammineq timmisartuminik Danmarkimut utimullu timmisartuussisarnera ukiunik qulinngortorsiussaaq.
Timmisartortitseqatigiiffik taamanikkut Grønlandsflymik ateqaraluarpoq, timmisartorsuarli allanngorani tassaaginnarpoq ”Kunuunnguaq” aamma Boeing 757-imik taaneqartartoq.
Nalliuttorsiorneq ulloq naallugu malunnartinniarneqassaaq, tassa ullaakkut Københavnimit aallannginnermi Kangerlussuarmiillu aallannginnermi oqalugiartoqassammat. Aamma ilaasut imeruersaaserneqarlutillu poortugannguamik tunineqassapput.
Timmisartorsuup ”Kunuunnguup” inuttaasa ilaat ukiuni qulini inuttaareersut aamma ataasinngorpat nalliuttorsiorluni ingerlaarnissami inuttaasussaapput.