Kunuunnguaq kinguaattooqqippoq
Air Greenlandip Narsarsuup Københavnillu akornanni timmisartuussinissaa kinguaattooqqittoq, Air Greenlandimit tusagassiuutinut nalunaarutigineqarpoq.
Kunuunnguaq atorlugu pingasunngormat Narsarsarsuarmut timmisartuussinissaagaluaq ullumikkumut kinguartinneqaraluartoq, suli nalunaaquttap akunnerinik 24-nik kinguartinneqaqqippoq.
Allattoq Mads Lynge
decembarip 20-at 2007 10:48
Kinguartitsinermut pissutaavoq kingoraartissaq atorneqartussaq Tuluit Nunaanniit Danmarkimut aatsaat ullumikkut apuunneqarsinnaammat, taamalu taarsitinnagu Narsarsualiartoqarsinnaajunnaarluni, tassami taarsinerani Narsarsuarmut mittoqaqqusaanngimmat.
Aqagu piffissaq eqqorlugu timmisartuussisoqassaaq. Taamaattorli Narsarsuarmi ilaasussat utaqqisut ilaat timmisartumut Kangilinnguani sakkutooqarfiup attartugaanut ullumikkut Københavniliartussamut ilaasussanngortinneqartut oqaatigineqarpoq.
Tamatuma saniatigut aqagu tallimanngornermi Air Greenland immikkut ittumik Kangerlussuarmut timmisartuussinissamik pilersaaruteqarpoq.
