Kunngissat pingasut Nunatsinni angalanerat unnugu aallakaatinneqassaaq

Skandinaviami kunngissat, Sverigep kunngissaa Victoria, Norgep kunngissaa Haakon kunngissamit Frederimmit siulersorneqarlutik, silap kiatsikkiartornerata sunniutai paasiniarlugit Nunatsinnut maajimi tikeraarnerat KNR-TV-mi unnugu takutinneqassaaq.
decembarip 10-at 2009 05:45

Kunngissat Kalaallit Nunaanni angalanerat, tassa Kangerlussuarmut, Sisimiunut, Qeqertarsuarmut Ilulissanullu, KNR-TV-mi unnugu nalunaaqutaq qulinut aallakaatinneqassaaq.

Silap pissusaa pillugu Københavnimi ataatsimeersuarnermut atatillugu saqqummeritsineq Bright Green kunngissat pingasut arfininngorpat ammassavaat. Tassunga atatillugu misigisatik, aamma silamut tunngatillugu ataatsimiittuni peqataasarnertik, namminneq oqaatsisik atorlugit oqaluttuarissavaat. Aamma Kalaallit Nunaannut tikeraarnerminnut atatillugu apeqqarissaarfigineqassapput.

Kunngissat pingasut siornatigut Norgep avannaani Svalbardimeereerput.

Saqqummersitsinermi suliffeqarfiit nunarsuarmit tamarmeersut 176-it COP15-imut atatillugu soqutiginnittunut tamanut silamut tunngatillugu teknologii nutaanerpaaq piginnaasaqarnerpaarlu takutinneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq