ASSIT Kunngissaq tulluusimaartoq
Qallunaat OL-imi maannamut 13-inik medaljannasimaneri kunngissap tulluusimaarutigaa.
- Ikinngutikka ilaquttakkalu Danamarkimiittut aamma tulluusimaarput. Ilaatigummi ilimaginngilluinnakkatsinnik allaat pinnappugut, kunngissaq oqarpoq.
Sisamanngormat Christinna Pedersen Kamilla Rytter Juhlilu sulorarlutik ajugaangajakkaluarlutik sølvinnammata kunngissaq isiginnaartuuvoq.
- OL-imi taamaappoq. Iluatsingajaavikkaluarluni ajorsartoortoqartarpoq, kunngissaq oqarpoq.
Kunngissap OL-i aallartinngitsiarnerani timersuutigalugu qajartortartoq René Holten Poulsen medaljannannissaa ilimagalugu oqaatigigaluarpaa. Taannali 6-nnguinnarpoq.
- Tamatta inuinnaavugut robotsiunata. Timersortartut tamarmik ajorsarsinnaapput, kunngissaq naqissusiivoq.
Qallunaat OL-imut aallartitaasa OL-imi qulinik medaljannannissartik siunniussimavaat, tamannalu angoreerlugu, sulilu pissarseqqinnissaminnik periarfissaqarlutik.
