Kunngissaq saqqummersitsinermik ammaassaaq

Kunngissaq Frederik aammalu Naalakkersuisut siulittaasuat Kuupik Kleist, saqqummersitsinermik taaguuteqartumik ’In the Eye of Climate Change’, deembarip ulluisa aqqarngani pisortatigoortumik ammaassapput.
Allattoq Jaaku Lyberth
oktobarip 27-at 2009 07:04

Silap pissusaa pillugu Københavnimi ataatsimeersuartitsinissamut decemberip qaammataani pisussamut atatillugu Namminersorlutik Oqartussat Kalaallit Nunaata Sinniisoqarfiani Københavnimiittumi nunat avannarliit illuutaanni saqqummersitsisuussapput.

Silap pissusaata allanngoriartornerata inuiaqatigiinnut kalaallinut ilaatigut periarfissiissutigisai saqqummersitsinermi takuneqarsinnaassapput, pingaartinneqartut ilaatigut tassaapput: Piujuartitsisumik nukissiorneq, erngup nukinga, brinti atorlugu nukissiorneq, seqineq anorilu iluaqutigalugit nukissiorneq.

Silap pissusaa pillugu ataatsimeersuarnerup nalaani Nordatlantens Brygge iluliarsuartut isikkoqalersinniarlugu qallersorneqalissaaq, luliaasarsualiortuussaaq eqqumiitsuliortoq Inuk Silis-Høegh.

Saqqummersitsineq Københavnimi Kalaallit Nunaata Sinniisoqarfiani decemberip ullusa 20-ata tungaanut takuniarneqarsinnaassaaq.