Kunngissaq OL-ip ataatsimiititaliaani ilaasortanngussagunarpoq

Kunngissap Frederiup nunat tamalaat olympiadernermut ataatsimiititaliaani danskit sinnerlugit ilaasortanngornissaa ilimagineqarpoq.

Aviisimi Politikkenimi allaaserisaq naapertorlugu nunat tamalaat olympiadernermut ataatsimiititaliaani massakkut danskit ilaasortaatitaasa Kunngissap Frederiup ataatsimiititaliami ilaasortanngornissaa 2004-imiilli sulissutigisimavaa:

Kunngissaq Frederik ataatsimiititaliami ilaasortanngussaluarpat pisoq immikuullarissuussaaq, Danmarkimili kunngikkormiut ataatsimiiititaliami aatsaat ilaasortaatitaqassanngillat; Prins Aksel 1932-imiit 1952-mut ilaasortaasimavoq.

Monacomi prins Albert, Tuluit Nunaanni prinsesse Anne, Liechtensteinimi prinsesse Nora kiisalu Hollandimi prins William Alexander ataatsimiititaliami ilaasortaapput.

Kunngissap Frederiup ilaasortanngornissaa ataatsimiititaliami siulittaasup tapersersormagu ilaasortanngortitsinnissaq ilimanarpoq.

- Ataatsimiititaliami qanorluunniit kunngikkormioqatigigaluarpat peqquserluuteqartarnerit uninnavianngitsut DR-ip timersornermut immikkoortuani pisortaq Olav Skaaning Andersen oqarpoq, nangillunilu:

- Ilaasortat assigiinngitsorujussuupput: timersortartut kunngikkormiullu. Tamat oqartussaaqataanerat atorlugu ilaasortanngortoqarneq ajorpoq. Ilaasortaarusuttut namminneq ilaasortaanissartik noqqaassutigisarpaat. Ataatsimiititaliaq pissaaneqartorujussuvoq kisermaassisorujussuullunilu, Olav Skaaning Andersen oqarpoq.

Ataatsimiititaliami ilaasortat siusinnerusukkut peqquserluuteqartarput. Tamannali ilorraap tungaanut saakkiartorpoq:

- Kunngissap Frederiup ilaasortanngorniarnissaa ukiut arfineq-pingasut matuma siorna ilimagineqarsimassanngikkaluarpoq. Taamanikkummi ataatsimiititaliami peqquserluttoqartartorujussuuvoq. Peqquserluttarnerilli ikiliartorput. Ataatsimiititaliaq naalakkersuinermik suliaqartartutut isigisariaqarpoq. Assersuutigalugu Beijingimi 2008-imi OL-eqarnissaa toqqarpaat, naalakkersuisut isornartorsiuisarneri ikilisarniarlugillusooq. Kunngissap Frederiup ataatsimiititaliami ilaasortanngussaguni aalajangigassat taamattut akuuffigilissagai, Olav Skaaning Andersen naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat