Kunngissaq nunatsinnut ullumi tikissaaq
Kunngissaq Frederik Keflavikkimiit Air Greenlandip timmisartuanut Twin Otterimut ilaalluni akunnerni makkunani nunatsinnut ingerlaarpoq.
Tunumi Nerlerit inaannut akunnillatsiariarluni avannaarsuani qimussersut ornissavai, qimussertut maanna avannaata-kangianiipput.
Kunngissaq kangerlussuakkoorluni ingerlaqqittussaagaluarpoq, Twin otterilli sisoraatai ajoquteqarmata, Islandimi attartorluni kunngissaq ikivaa.
Danmarkip radioata TV-liaanut, Danmarkimit 1906-miit 8-mut ilisimasassarsiortut filmiliarineranut kungissaq peqataajartorpoq.
1906-miit 8-mut ilisimassassarsiornermi aviisiliortoq atuakkiortorlu Ludvig Mylius-Erichsen siulersortaavoq, Mylius-Erichsenili taamani ajunaarpoq.
DR-ip assiliisui, qimussillu tallimat nunatsinneersunit siuuttuuffigineqartut 900 kilometerit ingerlaassavaat
Kunngissarli ataasinngorpat Qallunaat nunaannut utissaaq.