Kunngissaq Frederik nunatsinniippoq
Kunngissaq Frederik Nerlerit inaannut aqqusaarluni ullumi akunnippoq.
Kunngissaq Danmarkimit ilisimasassarsiortut ukiunik 100-liisussaagaluarnerat malunnartikiartorlugu qimusseriartorpoq.
Nerlerillu inaanni radioaviisimit oqaloqatigatsigu aperaarput sooq qimusseqataajartornersoq, kunngissarlu ima akivoq.
- Ullut arfineq-pingasut ingerlanerani kalaallit piniartut qimusseqatigissavakka, DR-illu piviusulersaaarusiaat malinnaavigalugu, Kunngissaq Frederik radioaviisimut oqarpoq.
Kunngissaq Frederik aamma oqarpoq, Danmarkimit ilisimasassarsiorluni ukiut 100-t matuma siorna nunap assiliorlugu angalaneq malunnartinnissaa pingaaruteqartoq.
- Isumaqarpunga oqaluttuarisaanermut inississallugu pingaartuusoq ukiut 100-t matuma siorna pisimasoq, kunngissaq Frederik oqarpoq.
Kunngissaq Tunup avannaarsuani Danmarksfjordimi qimusseqatissani ilaaffigilissavai.
