Kunngissaq Frederik IOC-imi ilaasortanngorpoq

Nunat tamat OL-p ataatsimiititaliaanni IOC-imi Kunngissaq Frederik ilaasortanngorpoq. Tamanna ullumi aalajangiunneqarpoq, Kunngissaq ukiuni pingasunngortuni ataatsimiititaliami ilaasortanngornissaminut qinigassanngortereersorlu.
Allattoq Jaaku Lyberth
oktobarip 09-at 2009 05:51

Kunngissaq Frederik 77-inik taaneqarluni ilaasortatut qinigaavoq, qulingiluat akerliullutik taasisut.

Ataatsimiititaliamut qinigassanngortinniarlutik akuerisat tallimat aasaq julip qaammataani qinigassanngortinnissamut akuersissasartunit toqqarneqartarput,

Nunat tamat olympiademi ataatsimititaliaanut ilaasortanngorniarlutik qinigassanngortittut pillugit ataatsimiititaliami ilaasortat aperineqartarput, ataatsimiititaliamut qinigassanngortittoq akuerineraat itigartinneraallunniit.

Taasinerillu IOC-ip præsidentianut Jacques Rogge tunniunneqartarput.

Qallunaat Nunaat sinnerlugu IOC-mi ilaasortaasoq, Kai Holm ukiup nikinnerani ilaasortaanissamut ukiut kiligitinneqartut nallermagit tassa 70-inik ukioqarmat ilaasortaajunnaarpoq, Kunngissarlu qinigaammat qallunaat IOC-mi taamaalillutik aallartitaqaqqilerput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq