Kunngissaq Frederik ajugaallualaavippoq

Komité 112-inik ilaasortaqartoq ilumini qinersisarpoq mannalu tikillugu danskit ilaasortaatitaat Kai Holm tassaavoq kunngissap taamatut inissinneqarnissaanik siunnersuuteqartoq. Kunngissap qinigassanngortinnera oqallisaasorujussuanngorpoq, pissutigalugu kunngissap politikkip timersornerullu akornanni inissimalernermigut arlaannut nikeriarnissaa nalornissutaalermat. DR-ip timersornermut aaqqissuisua Niels Kristian Jung taasinerup nalaani Bella Centerimiippoq.

Kunngissaq Frederik ajugaallualaavippoq IOC-mi ilaasortanit 77-iusunit akuersaarneqarluni qulingiluanilli akerlerineqarluni, ilaasortalli arfinillit taasisimanatik. Maannakkorpiaq suli paasinngilarput sooq qulingiliuat akerliullutik taasisimanersut.

-Kunngissaq ukiunut arfineq-pingasunut qinerneqarpoq, IOC-p ukiuni aggersuni ullormut oqaluuserisassamini suut inississimanerai nalunngiligit?

-IOC-p præsidentia Jacques Rogge qinigaaqqinnerminut naatsuarannguamik minutsini tallimani oqalugiarpoq ilaatigullu oqaatigalugu naalagaaffiit nunallu tamalaat immikkut kattuffii tapersersornerujumallugit, pingaarnersarli tassaalluni nammineq IOC-llu timersornermi nutaaliaasumi nukkassaatinut aammalu match-fixingimik taaneqartartumut imaannaanngeqisunut akiuiniarnerup sakkortusiniarnissaa kissaatigigitsik.

-Taava tassa IOC-p timersornermi tamanna pimoorullugu peernialerpaa?

-Ukiuni makkunani IOC-mi assorsuaq pisoqarsimavoq, Jacques Roggelu IOC-mi Olympiadeqartarnermilu nutarterinermut peqataasimalluni, kisiannili tamakkua pillugit ullaap tungaani matumani Bella Centerimi vicepræsidentimut qinigassanngorniuttoqarnerani suli takkuttoqarani, oqartoqarsinnaavorlu Majo Piscante Italiaminngaanneersoq nukkassaatinik atueqataasarsimasoq Taiwanimeersumut WoWa Tarengimut nunat tamalaat tilluunnermut kattuffianni siulittaasuusumut tilluunnerup pitsaasuunissaanut ilungersuutiginnittumut ajugaammat.