Kunngissap USA-miinnermini Kalaallit Nunaat erseqqissarpaa

USA-mi nukissiorneq silallu pissusaa pillugu kunngissap Frederiup oqalugiarnermini Kalaallit Nunaanni pinngortitap immikkuullarinnera erseqqissaatigaa.

Silap pissusaata allanngoriartornera unikaallatsinniarlugu ataatsimeersuartut qanoq iliuuseqartariaqarnerat peqataasunut naqissuserniarlugu Nunatsinni pissutsit kunngissap ilannguppai.

Kungissap nuliatalu Maryp, USA-mi sapaatip-akunnera naangajallugu angalanerminni Chicago-mi ataatsimeersuartut aqqusaarpaat.

Kunngissaq Nunatsinni sermersuakkut qimussernilikkersaarpoq, taamanikkumiilli silap pissusaata allannguissimanera, imaassinnaasoq nunarsuup sinnerani sunniutaaniit ersarinnerusoq oqaatigalugu.

Kunngissaq aamma oqarpoq, qanoq iliuuseqannginneq iliuuseqarnermiit akikinnerusoq. Ataatsimeersuarnermi peqataasut tassaapput politikkikkut aningaasaqarnikkulluunniit arlaatigut sunniuteqarsinnaasut.

Kungissamut isumaqataalluartumik tusarnaartoqarpoq, tassalu Chicagop borgmesteria, Richard M. Daley. Taanna oqarpoq, silap pissusaata allanngoariartornera akiorniarneqassappat, Københavnimi decembarimi ataatsimeersuartoqalerpat nunat tamat isumaqatigiissuteqarnissaat pisariaqarluinnartoq.