Filmi Eksperimentet ippassaq takuteqqaarneqarmat kunngissaq nulialu Mary isiginnaaqataapput. Isiginnaareermata kunngissap kalaallisut oqaatsitsinnik qanoq ilisimasaqartiginera pillugu Ekstra Bladimi tusagassiortup paasiniarpaa:
Kalaallisut oqaluttarpit?
- Kalaallisut oqalussinnaallunga oqarnikuuvunga?
Naagga, aperigikkinuna.
- Taava naaggamik akisariaqarpakkit.
Qitornatit taamaallutik kalaallisut ilinniarumaarpat?
- Aap, isumassarsiatsialaasinnaavoq.
Kunngissap filmi misigisaqarfigaa:
- Filmi suliarilluagaavoq assitaalu kusanaqalutik. Oqaluttuarineqartoq tussunngunarlunilu attortinnarpoq, sermitsiaq.ag-mut isiginnaareerluni oqarpoq.
- Filmi ilikkagaqarfigisinnaavarput oqaluttuarineqartorlu ilikkagaqarfigissavarput. Tine Bryldip atuakkiaminut qulequtsiussaa ilumoorpoq, ajunngitsumimmi isumaqarluni taamaasiornerugami, kunngissaq oqarpoq.