Kunngissap nulia tunisivoq

Meeqqanik sumiginnakkanik nammineq kajumissutsimik ikiuerusussutsimik pigisaqarluartoq.

Oqaatsit taama paasineqarsinnaasut Danmarkimi Red Barnet-ip meeqqat pisinnaatitaaffii pillugit suliniuteqarluarsimasumut ukiumoortumik nersornaasiillunilu akissarsisitsinerani atorneqarput, akissarsisinneqartorlu tassaavoq Kirsten Ørgaard, Nuummi meeqqat ornittagaannik Mælkebøttenimik pilersitsiniarluni suliniuteqarluarsimasoq.

Kirsten Ørgaard pillugu Red Barnet-ip qullersaa Mimi Jakobsen ima oqarpoq:

- Nuummi meeqqat atugarliornerpaat ikiorserneqarnissaat pillugit Kirsten Ørgaard ilungersorluni suliniuteqarsimavoq. Red Barnet-ip qullersaa Mimi Jakobsen nersornaasiinermi taama tunngavilersuivoq.

Mimi Jakobsen aamma oqarpoq, Kirsten Ørgaard uteriitsuugami anguniakkani angusinnaasimagaa.

Red Barnet-imit Kirsten Ørgaard naapinneqaqqaarmat politiinik suleqateqarluni meeqqat aqqusinerni angalaaginnartut pillugit misissuisitsileruttorsimavoq.

- Red Barnet, Kalaallit Nunaanni Sulisitsisut Peqatigiiffiat sinnerlugit Kirsten Ørgaard, Nuup Kommunea, Rotary allarpassuillu, tamarmik isummertaatsimikkut assigiinngikkaluaqisut Kirsten Ørgaardip suleqatigiissillugit katersortarsinnaasimavai. Nukissaqaraannilu aatsaat taamaaliortoqarsinnaavoq. Mimi Jakobsen erseqqissaavoq.

Kunngissap nulia Mary nersornaammik Kirsten Ørgaardimut ullaatungaani tunisisuuvoq, nersornaat 30.000 koruuninik aningaasartaqarpoq.