Kunngissap nulia Mary Nuummut ullumi tikippoq
Inuit nuimasut Nuummut ulluni makkunani tikerarput. Taakkununnga ilaavoq kunngissap nulia Mary. Taanna ullumi ulloqqanngitsiartoq Nuummut tikippoq.
Allattoq Mads Lynge
juunip 19-at 2009 17:50
Mary aningaasaateqarfimmi Maryfondenimi siulittaasuuvoq, Ilaqutariinnermullu naalakkersuisoqarfik kiisalu Kultureqarnermut ilinniartitaanermullu naalakkersuisoqarfik ullumi ataatsimeeqatigalugit.
Namminersornerup eqqunneqarnissaa nalliuttorsiutigineqarpoq, pingaartumillu sapaatiuppat nalliuttorsiutigineqassalluni.
