VIDEO Kunngissap nulia Mary Nuummi ataatsimeersuaqataanissaminut qilanaartoq

Kunngissap nulia Mary Nuummut ullumi ataasinngornermi tikissaaq. Ataatsimeersuarneq 'Angerlarsimaffimmi nakuuserneq - ataatsimoorluta akisussaaffipput' peqataaffigissavaa.
Allattoq Kenneth Elkjær
aggustip 29-at 2016 11:06
Nutserisoq Simon Uldum -

Ataatsimeersuarneq Mary Fondenimi siulittaasutut marlunngornermi ullaakkut ammassavaa. Tamannali pitinnagu arlalinnik pisassaqarpoq. Paaqqinnittarfik Sikkersoq ataasinngornermi ualikkut pulaassavaa Naalakkersuisoqarfimmilu ataatsimeeqateqassalluni, tamakku pereerpata Hans Egedep illuani nereqatigiinnermut peqataannginnermini aamma Nuummi qimarnguimmut pulaassaaq.

Aamma atuaruk Nakuusertarneq pillugu ataatsimeersuartoqarnerani Kunngissap nulia peqataassaaq

Ataatsimeersuarneq 'Angerlarsimaffimmi nakuuserneq - ataatsimoorluta akisussaaffipput' aqagu marlunngornermi ullaap tungaani ammassavaa peqataaffigalugulu, kingusinnerusukkullu ilaatigut NAKUUSA-mi Meeqqanut siunnersuisoqatigiit Blå Korsilu ataatsimeeqatigissavai.

Marlunngornermi ualikkut ataatsimeersuarneq uterfigeqqissavaa, ataatsimeersuarnerlu ilasseqatigiinnermik naggaserneqassaaq. Kunngissap nuliata Maryp arnat persuttagaasimasut marlunngornermi unnukkut naapissavai.

Kunngissap nulia Kunngikkormiut Facebookimi qupperneranni videomi oqaluttuarpoq Nunatsinnut tikeqqinnissani qilanaaralugu. Video ataani isiginnaarsinnaavat (danskisuujuvoq):