Kunngissap nulia Mary nunatsinnukassamaarpoq
Mary Fondenip allattoqarfiani sulisut aamma peqataassapput, ataatsimiigiarlutillu immikkut ittumik sammisaqassagamik.
Angerlarsimaffinni nakuuserniartarnerit, meeqqanillu paaqqinnittarfinni atuarfinnilu meeqqat akornanni qinngasaaruttarnerit Mary Fondenimit akiorniarneqarput, meeqqallu atugarissaarnerunissaat anguniarneqarluni.
- Kalaallit Nunaat Savalimmiullu suliniuteqarnitsinni pingaaruteqarput, tamaanilu suliuteqartut peqatigalugit ataatsimeeqatigalugillu anguniakkatsinnik saqqummiussiniarpugut. Suliniutit ataqatigiissaarneqarneranni kalaallit kulturiat oqaasiilu qitiutinneqarnissaat pingaatripparput, kunngissap nulia Mary tusagassiuutinut nalunaarummi ilaatigut allappoq.
Birgitte Hagemann Snabe, Mary Fondenimi pisortaq oqarpoq, meeqqat inuusuttuaqqallu akornanni qinngasaaruttarnerit aaqqissugaanerusumik akiorniarneqarnerat pillugit ataatsimiittoqassasoq:
- Angerlarsimaffinni nakuuserniartarnerup akiorniarneqarnerani suut ajornartorsiutaanersut oqaloqatigiilluarnikkut aamma paasiniassavarput, neriuutigaarpullu iliuuseqartoqarsinnaassasoq, Mary Fondenip pisortaa oqarpoq.