Kunngissap nulia Mary naartuvoq
apriilip 25-at 2005 07:24
Amerlasuunit utaqqineqarsimasoq kiisami tusarliunneqarpoq. Ataqqinartup Kunngissap nulia Mary naartusoq, ullaaq manna kunngikkormiunit nalunaarutigineqarpoq. Kunngissap nulia Mary Oktoberip qaammataata naanerani rigshospitalimi ernissasoq, kunngikkormiut oqaaseqartartuanit nalunaarutigineqarpoq.
-Kunngissa q nulialu tamarmik ajunngillat, kunngikkut tusagassiutinut nalunaartartuat Lis M. Frederiksen ritzau-mut oqarpoq.
Kunngissap nulia Mary erningajalernissami tikillugu suliassani suliarisarniarlugit nalunaarsimavoq, kunngikkormiullu tusagassiutinut nalunaartartuata ilanngullugu aamma oqaatigaa, kunngissakkut meerassaat niviarsiaraanersoq nukappiaraanersorluunniit suli ilisimaneqanngitsoq.