Kunngissap nulia nunatsinnut tikeraartoq. Toqqorsivimmit assi

Kunngissap nulia Mary dronningimut manna taartaasinnaanngortoq

Kunngeqarfimmi dronningip peqannginnerani kunngissaq Frederik, prins Joachim, prinsesse Benedikte maannalu aamma kunngissap nulia Mary naalagaaffiup qullersaatut atuussinnaasarput.

Kunngissap nulia Mary dronning Margrethep peqannginnerani dronningip sinniisuatut atuussinnaalersippaa. Kunngikkormiut tusagassiuutinut taama nalunaaruteqarput.

Taamaammat kunngissap nuliata prins Joachim prinsesse Benedikte assigalugit dronning Margrethemut taartaasinnaalerpoq. Taartaasinnaanerat dronningip nunani allaniinnerani pisarsinnaavoq.

- Ataqqinartorsuup Dronningip naalagaaffimmi ullumi isumasioqatigiinnermi kunngikkormiutut ataqqinassusillip naalagaaffimmi ullumimit dronningimut sinniisuusinnaalerpoq, kunngikkormiut tusagassiuutinut allapput.

Dronningip sinniisuata naalagaaffimmi qullersatut suliassat suliarisinnaavai. Suliaqarsinnaaneq tamanna dronningip nammineersinnaajunnaarnerani, napparsimanerani peqannginneraniluunniit pisinnaavoq. Tamanna assersuutigalugu dronningip nunani allaniinnerani pisariaqarsinnaavoq.

Kattuffinnut 30-nut illersuisuusoq

Kunngissap nuliata Inatsit tunngaviusoq malinniarlugu naalagaaffimmi pingasunngornermi isumasioqatigiinnermi nalunaarutigalugu uppernarsarpaa. Taamaalilluni dronningip sinniisaatut atuussinnaalerluni.

Naalagaaffimmi isumasioqatigiissitsinermi dronning Margrethe, kunngissaq Frederik aamma ministeriuneq Mette Frederiksen aamma najuupput.

Dronningip naalagaaffimmi peqannginnerani naalagaaffimmi qullersatut atuuffik kunngissaq Frederimmit, prins Joachimimit, prinsesse Benediktemit maannalu kunngissap nulianit Marymit maanna dronningimut sinniisuusunit atuuffigineqarsinnaavoq.

Kunngissap nuliata Maryp dronningimut sinniisuunerata saniatigut Mary assigiinngitsorpassuarnik aamma atuuffeqarpoq. Taassuma kattuffiit 30-nit amerlanerusut illersuisuuffigai, taakkunani Dansk Flytningehjælp, Julemærkefonden aamma DR’s pigekor ilaapput.

Kunngissap nulia Australiami inunngorpoq, danskillu kunngikkormiunut 2004-mi katilluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat