Kunngissap nulia: Inuiaqatigiit ikiuunnissaminnut piareersimasariaqarput
Nakuuserfigitissimasut sassaqquneqassappata, taava inuiaqatigiit ikiuunnissaminnut aamma piareersimasariaqarput.
Nakuusertarneq pillugu Katuami marlunngormat ataatsimeersuarneq kunngissap nulianit ammarneqarpoq. Nakuuserfigitissimagaanni ammasumik eqqartuinerusalernissaq ataatsimeersuarnermi oqariartuutigineqarpoq.
Aamma atuaruk VIDEO Kunngissap nuliata Maryp ataatsimeersuarnermi oqalugiaataa
- Nipangiunnagu tamanut susassarisassanngortinnissaa pingaaruteqaqaaq, Kunngikkormiutut Ataqqinassusilik, Mary, oqarpoq.
Nakuuserfigitissimasulli ikiorneqarnissaat aamma pingaaruteqartoq, kunngissap nulia erseqqissaavoq.
Aamma atuaruk Nakuusertarnerup nipangiusimaneqarunnaarnissaa anguniarneqarpoq
Aamma atuaruk VIDEO Nakuusertarnerup nipangiusimaneqartarnera Maryp unitsikkusukkaa
- Nipangiusimaneqarnera unitsinniarutsigu qanoq kinguneqarumaarnera piareersimaffigisariaqarparput, sapiiserlutimmi sassarlutik ikioqqusut amerleriasaassapput. Taamaammat inuiaqatigiit sassartunut ilassinnilluarsinnaanissaminnik ikiuutissanillu iluaqutaasussanik, nakuuserfigineqarnatik inuulerniassammata, neqeroornissamut piareersimassapput, Kunngikkormiutut Ataqqinassusilik, Mary, oqarpoq.
Inuit pisinnaatitaaffiinut siunnersuisooqatigiinni siulittaasuata Inge Olsvig Brandtip kunngissap nulia Mary isumaqatigaa.
Inuiaqatigiilli ikiuunnerat naammanngitsoq, taanna isumaqarpoq. Assersuutigalugit isumaginninnermut siunnersortit, politiit susassaqartullu allat sulilluartut ikorfartorneqartariaqarput.
Aamma atuaruk Meeqqat unatarnissaat kiisami inerteqqutinngulerpoq
- Ikiuinissat assigiinngitsut aningaasartalersornissai pisariaqarluinnarpoq, soorlu assersuutigalugu angutit, aamma arnat, persuttaasartut katsorsarneqarnissaannut immikkut ittumik aningaasaliisoqarnissaa. Katsorsarneqarnissamillu periarfissanik pilersitsinissaq pisariaqartorujussuuvoq, pisortaq oqarpoq.
Taamatuttaaq nakuusertarneq pinaveersaartinniarlugu inuttut naleqartitat inuiaqatigiinni aamma oqallisigineqartariaqartut, Inge Olsvig Brandt oqarpoq.
- Persuttaasarneq paquminarunnaarsillugu eqqartorneqalissappat, taava uagut inuttut, inuiattut, sulisutut inooqataasutullu naleqartitagut eqqartornerulertariaqarpagut. Naleqartitagullu aallaavigalugit ileqqorissaarutissagut aamma eqqartorlutigit.
Aamma atuaruk VIDEO Kunngissap nulia Mary Nuummi ataatsimeersuaqataanissaminut qilanaartoq
Inuit pisinnaatitaaffiinut siunnnersuisooqatigiinni siulittaasuata Inge Olsvig Brandtip kunngissap nulia Mary isumaqatigaa.
Inuiaqatigiilli ikiuunnerat naammanngitsoq, taanna oqarpoq.
- Nassuerutigisinnaavara sulilluartoqarmat, inuiaqatigiilli ikiuunnerat naammanngilaq salliutinniarneqartarneralu naammannani, Inge Olsvig Brandt oqarpoq.
