Kunngissap nulia 35-iliivoq

Kunngissap nulia Mary ullumikkut 35-nik ukioqalerluni inuuissiorpoq. Inuuissiorneranilu allanik nalliuttorsiutissartaqarpoq. Mary Danmark-imi aningaasanngorlugu milliartinik naleqarpoq, taamatut allaaserisarpoq aviisi Dato. Ukioq 2004-imi kunngissarlu Frederik sammilermatali, Danmark-ip Australiamut tunisassiai qaffariarujussuarsimapput, Tuluit nunaanni inuit isigineqarnerannik ilisimatooq Simon Anholt oqarneratuut, Kronprinsesse Mary milliard-inik naleqarpoq. Kunngikkormiuni Mary inuttut saqqumilaarnersaavoq. Tuluit nunaanneersuugaluarpunga, Marylu taannatuaavoq ukiuni kingullerni maluginiarsimasara Simon Anholt oqaluttuarpoq. Nutaajuvoq pinnersorujussuuvoq maluginiarnarluni, tusagassiuutinilu maluginiarneqaqaluni. Maryp avammut nittarsaattarnerata kingunerisaanik Danmarkip iluanaarutigisartagai 772 millliarder koruuninut nalilersimavai, taakkunanngalu 12 milliarder koruunit Mary-p nittarsaattarneratigut iluanaarutaasimassasut Simon Anholt-ip nalilerpaa.

Jens Carsten Nielsen Copenhagen Busines School-imeersoq isumaqarpoq Kronprinsesse Mary uinilu danskit avammut tunisaqarneranut takornariaqarnikkullu sunniuteqartorujussuusut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat