Video: Kunngissap issittumik misissuiviit tuumik atoqqaartikkai

Københavnimi Danmarks Teknologiske Universitetimi, DTU-mi ilisimatusarnermut misissuiviit nutaat marluk Issittumi sanaartoriaatsit ilisimatusarfiginerannut pitsanngorsaataassapput.
novembarip 28-at 2018 16:34
Nutserisoq Connie Fontain

Atoqqaartitsinermit assit qulaani takukkit atoqqaartitsinermiillu video ataani takullugu.

Kunngissap Frederiup Qeqqata Kommuniani borgmesteri, Malik Berthelsen ilaatigut peqatigalugu misissuiviit nutaat pingasunngornermi ammarpai.

Kunngissap Frederiup kalaallit tuuannik sermeq, Sisimiut eqqaani qillerinermit piigaq, marlunnut avippaa taamaalillunilu ilisimatusarnermut misissuiviit marluk nutaat atoqqaartinneqarnerat nalunaaqutserlugu.

- Maani tooq tigumiarlugu nuannersorujussuuvoq. Maanngaanniit pilluaritsi, kunngissaq Frederik oqarpoq.

Misissuiviit nutaat Issittumi sanaartorneq pillugu ilisimatusarnermut atorneqassapput.

AAMMA ATUARUK Issittumi ilisimatusarnermut misissuiviit nutaat Kunngissamit atoqqaartinneqartut

Ilisimatusarnerlu Kalaallit Nunaanni ineriartornermut pingaaruteqarluinnartoq, atoqqaartitsinermi peqataasup, Qeqqata Kommuniani borgmesterip, Malik Berthelsenip oqaatigaa.

DTU-p issittumi ingeniørinngorniarfiata Sisimiuniinnerata saniatigut ilisimatusarneq nunatsinni sanaartornermut iluaqutissartaqartoq borgmesterip erseqqissaatigaa.

- Frederitulli aamma allarpassuartulli timersornermik nuannarisaqartartutut imminut atortorissaarutigullu issittumi pinngortitami misilittartarpagut, taamaammat DTU Kalaallit Nunaanni pinngortitami aamma misileraasarpoq. Qujanartumik DTU-p nunat tamalaat akornanni nammineq ilisimatusarusussusaanut aammali nunatsinnut Issittullu sinneranut nuannaarutaasumik.

Borgmesteri, Malik Berthelsen ammaanersiornermi taama oqarpoq.

 

Kronprins Frederik indvier arktiske laboratorier på DTU