Sulisitsisut: Kunngissap aallartitat alutornarsisissavai

Nunarsuarmi aatsitassat pillugit nittarsaassinerit annersaanni PDAC- mi marsip aallartinnerani Torontomi Canadami pisussami kalaallit soqutigisaat sinnerlugit peqataasussaq nalinginnasuunngilaq. Tassaavormi Kunngikkormiutut Ataqqinassusilik Kunngissaq Frederik, akimaniunermi saniatigut nunatsinnut immikkorluinnaq attuumassuteqartoq.

- Kunngissap uagutsinnut pingaaruteqaataa tassaavoq nunarput pillugu aamma aatsitassaqarneq pillugu nunatsinni qanoq pisoqarneranik oqaluttuassaq immikkorluinnaq aallaaveqarfigigamigit ilagalutalu oqaluttuarisinnaallugit, Sulisitsisuni pisortaq Brian Buus Pedersen oqarpoq.

AAMMA ATUARUK Kronprinsen skal hjælpe Grønlands erhverv ved minemesse

Kunngissaq ilaatigut Avannaani qimussimik ilisimasassarsiornermi qaammatini 4-ni sivisussusilimmi 2795 km-itullu isorartutigisumi peqataasimavoq qitornaasalu ilaat marluk aamma atimik ilaanni kalaallisut ateqarput.

- Aallartitanut taamaattunut ilaanera alutornarsaataavoq aamma nittarsaassinermik maluginiarneqarnermillu annertunerujussuarmik pilersitsilluni, pisortaq oqarpoq.

AAMMA ATUARUK Kim Kielsen nuimanernik nereqateqarluni issiavoq

Erseqqissarpaa nunarput nuna angisoorsuusoq, nunarsuarli tamaat isigalugu aatsitassiornikkut nuna mikisuusoq. Tamannarpiaq peqqutigalugu nunatsinni aatsitassarsiorneq ineriartortissagaanni aningaasaliisartunit aatsitassarsiornermillu ingerlatsivinnit soqutigileqalernissaa pilersissallugu pingaartuuvoq, Brian Buus Pedersen nassuiaavoq.

PDAC pillugu

PDAC uunga naalisaataavoq: Prospectors & developers association Canada
PDAC tassavoq nunarsuarmi aatsitassat pillugit nittarsaassinerit annersaat
Ukiut tamaasa Torontomi  Canadamiittumi ingerlanneqartarpoq
Pisussani sammisassat ilagaat nunap inoqqaavi suleqatigalugit atsitassarsiorfiit avatangisiinik ajoqusiinngitsut ineriartortinneqarnissaannut tunngasoq
Peqataasussat 26.000 missaanniiput
Nunanit assigiinngitsunit 130-nit inuit takkussuutissapput
Aningaasaliisartut 3.800 takkutissapput

Kunngissaq ilagalugu qallunaat ministeriisa ilaat aamma peqataassaaq. Ilimanarluinnarpoq Nukissiuuteqarnermut, pilersuinermut aamma silaannaap pissusaanut ministerip Lars Christian Lilleholt-ip (V) Kunngissaq angalaqitigissagaa.Nunarput ukiuni arlalinni PDAC-mut peqatasarpoq, aatsaalli aalartitat taama amerlatigalutillu pingaaruteqartigissapput, Brian Buus Pedersen erseqqissaavoq.

AAMMA ATUARUK Kunngissap kalaallisut assuutai saqqummersinneqalersut

 

 

Isummersuutit

Atuarneqarnerit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat