Kunngissakkut allanertanik uumasuutitaarput
apriilip 10-at 2006 07:43
Kunngissaq Frederik nulialu Mary, minnerunngitsumillumi ernerat, prins Christian, Tasmaniami naalakkersuisunit immikkukajaaq ittunik ullumi tunissutisipput.
Tasmaniami uumasut poortallit ilaat, danskisut tasmanske pungdjævlenik taaneqartartut, sisamat, arnavissat marluk angutivissallu marluk tunissutisiaraat – taakkulu Københavnimi Uumasuusivissuarmut inissinneqarput.
Uumasut taakku kunngissap nuliata inunngorfiani Tasmaniaminngaaneersuupput, qaqutigoortuullutik Europamilu kisiartaallutik.
Taaguutiminnut, tasmanske pungdjævle-nut, taaguutaat naleqquttuupput, tassamigooq kiisortorujussuugamik.