Kunngissaaqqap kuisinnissaanut tunissutit

Kunngissaaqqap kuisinnissa aqaguinnakaseqaaq qanorlu ateqarnissaa isertuunneqarluinnarpoq.

Kunngissaaraq inunnguinnartorli qanoq atserneqassanersoq eqqoriarneqartarpoq. Atissai oqallisigineqartarput, qanoq ateqassanersoq siunnersuusiortoqartarpoq ilami allaat atissai unamissutaasarput.

Ataasinnarmik ateqarnissaa ilimagineqanngilaq. Kunngikkormiut ileqqoraat sisamanik ateqartitsisarnertik.

Danmarkimi kunngikkormiut aqqisa ilaannik atsiinissaq ilimagineqarpoq; aataasullu aqqisa ilanngunneqarnissaat aamma eqqaallatsiarneqareerluni. Taakkulu ilanngunneqassappata kunngissaaraq atseqaratarsinnaavoq ima: kunngissaq Christian Henrik John Frederik. Ateq Christian qularnanngilluinnartumik kunngissaaqqap aterisinnaavaa. Ateq taanna siunissami atorlugu kunngi Christiaat aqqarnannik taaguuteqalertussaassagami. Christiaap saniatigut atisai pissanganarput.

Kunngissap Frederiup nunatsinnut qanilaartuunera pissutigalugu kalaallit atiisa ilaannik atserneqaratarsinnaavoq.

Aputsiaq, Malik (arabiamiut aamma aterisartagaat) eqqaallattaarneqarnikuupput.

Imaassinnaavoq aamma Kunuummik atserneqartoq – Knud Rasmussen atsiullugu.

Kunngissaaqqap atissai eqqoriaqattaarsinnaavagut naassaanngitsumik, imaassinnaavorli aamma tupaallatsinneqarluinnartugut. Tamannali aqagu paasissavarput.

Kunngissaaqqamut aamma tunissutissat eqqaalaassavagut.

Qamuteeqqat assiliarineqarsinnaasut inatsisartunit tuniunneqassapput. Angunni malillugu qimussertarnissaa aamma neriuutigineqarpoq.

Namminersornerullutik Oqartussat aamma tuniussassaqarput. Australiami uumasut ilaata qiviuanit umimmaallu qiviuanit qaatiguuliaq tunniunneqassaaq.

Kunngissaaraq qanoq atserneqassanersoq soqutiginnikkussi aqagu ullaap tungaani KNR TV-kkut aallakaatinneqalerpat malinnaaffigisinnaavarsi.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat