Kunngissaaqqap atissai

Meerannguaq qanoq ateqassava? Taama aperineqartarneq angajoqqaanngortut tamarmik misigisarpaat.

Kunngissakkullu ernertaannguata qanoq ateqarnissaa inunngornera sioqqulluguli aalajangerneqareersimavoq.

Aataqqeeqqeersuani, kunngersuugaluup Frederiup angutaa Christiaat qulingat, kungisaarannguup ateerilissavaa, kunnginngoruni Christiaat aqqarnannik taagorneqalissalluni.

Oqaluttuarisaanermik ilisimatusarsimasoq Steffen Heiberg, Frederiksborgimi illussaarsuup katersugaasiviani pisortaq isumaqarpoq pissusissamisoortuussasoq, Maryp angutaata atia John kiisalu Frederiup angutaata atia Henrik nukappiarannguamut aamma atsiunneqassappata.

-Henrik John-ilu Danmarkimi kunnginut atsiunneqartartuunngillat, taamaattorli ilimagaara kunngissaaraq ima atserneqarumaartoq, Christian Frederik Henrik John, Frederiksborgep illussaarsuata katersugaasiviani pisortaq Steffen Heiberg oqarpoq.

Aammali atermik allamik atsiisinnaanerat ilimanaratarsinnaavoq. Prins Joakim-ikkut ernitik atseramikkit tupatsitsingaatsiarput aternik naatsersuutigineqarnngitsunik atsiigamik, tassa Nikolai aamma Felix.

Taava kunngissakkut ernertaannguartik kalaallit atiannik aamma atersinnaagaat ilimanaateqarsinnaavoq.