Kunngikkut nunatsinni suliniutinut aningaasaliipput
Annerpaamik tapiiffigineqartut tassaallutik peqatigiiffik foreningen Grønlandske Børn, Nunatsinni isorliunerusuni ilinniagaqarsimanngitsunut atuartitsinissamik pilersaarummut 40.000 koruuninik tapiiffigineqartoq.
Atuarfik namminersortoq Nuuk Internationale Friskole pinngortitami pinnguartarfimmik pilersitsinissamut 25.000 koruuninik tapiiffigineqarpoq, Nunatsinnilu Røde Korsi atornikuerniarfiutitaarnissaminut 20.000 koruuninik tapiiffigineqarluni.
Aamma Leise Johnsen Arktisk Institutimeersoq Kulusuup 100-nngortorsiornissaanut saqqummersitsinissaminut 5.000 koruuninik tapiiffigineqarpoq. Kunngikkormiut Nunatsinnut Aningaasaateqarfiannit suliniutit katillugit 22-t tapiiffigineqarput.