Kunngikkormiut Uummannap sulluaniipput
Kunngikkormiut nunatsinni angalaarnermini ullaaq manna Uummannap eqqaanut nunaqarfimmut Saattunut nuannattoqarfioqisumut tikipput. Saattut aatsaavissuaq Dronning-ikkunnit tikeraarneqarput tikittoortullu nuannatilaavissorput. Saattunut ikinneranni nipi tusaruk.
Allattoq Maria Hornbek Hansen, Nauja Møller
Dronninng Margrethe uialu Prins Henrik Saattumut tikimmata angutaannaat erinarsoqatigiivisa inuiattut erinarsuutitsinik erinarsorfigaat, kingornalu meeqqerivimmut Amaannuamut pulaarlutik.
Meeqqeriviup ningiuta Petra Mathiassenip oqaluttuaraa, meeqqat ittooratik Dronningimut ilassiorluarsimasut.
Kingorna atuarfimmi kaffisoqatigiittoqarpoq, Saattunilu kunngikkormiut tikeraarnerat naggaserlugu erinarsoqatigiittoqarpoq, kalattut qitittoqarluni tunisisoqarlunilu.
Kunngikkormiut nunaqarfimmut Niaqornanut ulloqeqqanut ingerlaqqipput, akunnialuit Niaqornaniissalutik.
Ilanngussaq tusarnaaruk: