Kunngikkormiut kuisitsipput

Kunngikkormiutut ataqqinassusillip, Prins Joachiamip, nuliatalu Prinsesse Marie-p, ernerat, Danmarkip prinsia nukarlersaagallartoq, Møgeltønderip Oqaluffiani ullumikkut kuisippoq. Qanoq atserneqassanersoq pissanngatigineqarsimaqaaq, oqaluttuarisinnaavarpullu Henrik Carl Joachim Alainimik atserneqarmat.

Kunngikkormioaqqap arnaata, Prinsesse Mariep, Møgeltønderip Oqaluffiani tamanna tusarliuppaa, naalagiartut 141-t tusaaneranni, assiliivippassuillu assileerranneranni.

Prinseeqqap kuissutaa sungarpaluttuuvoq immungasoq, nukappiararpaluttumik kraveerartalik.

Qeqartuupput Kunngikkormiutut ataqqinassusilik, Kronprinsese Mary, anaanaasullu Prinsesse Marie-p qatanngutai angutit, Benjamin Grandet aamma Charles Cavallier. Prins Joachimip ukiorpassuarni ikinngutai, Britt Davidsen Siesbye aamma Christian Scherfig, aamma qeqartuupput.

Kunngikkormiut nukarlersaaraat napparsimmavissuarmi Rigshospitalimi maajip ulluisa sisamaanni inunngorpoq, taamanikkullu aperisoqarmat, naalungiarsuk qanoq atserneqassanersoq, ataatanngortup, Prins Joachimip, taamanikkut tamanna oqaatigerusunngilluinnarpaa.

- Qanorluunniit atserneqarsinnaavoq, Ib-iuguni imaluunniit Nebukaneseriuguni assigiippoq, ataatanngorlaaq tulluusimaaqisoq taamani oqarpoq.

Prins Joachim Prinsesse Marielu Møgeltønderip Oqaluffiani siorna maajip ulluisa 24-anni aamma katipput.

Kuerserlaaq Dronning Margerethep Prins Henriullu erngutaasa tallimaraat. Prins Nikolai-p Felixillu saniatigut Kunngissap Frederiup Kronprinsesse Maryllu meeraat, pingasunik ukiulik Christian, najaalu marluleeqqammersoq, Isabella, aamma erngutaraat.

Prins Henrik Carl Joachim Alain kunnginngortussat arfineq-aapparaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat