ASSIT Kunngikkormiut Ilulissani
Dronning Margrethe prins Henrillu borgmester Ole Dorphimit tikilluaqquneqarput, oqalugiartoqarpoq, erinarsoqatigiit erinarsorput qulingiluariarlunilu hurraartortoqarluni.
Tikeraat ilaatigut UNESCO World Heritagemut pisuttuassapput, borgmesterilu ullup qeqqasiornissamut qaaqqusissaaq Ilulissat eqqaani pisat katersallu igasunit Jeppe Eivind Nielsenimit Inunnguaq Hegelundimillu igaat sassaalliutigineqassallutik.
Ualimullu Puigortunngortut angerlarsimaffiat aamma Ilaqutariinnut sullissivik pulaarneqassapput taakkunanilu angallassisoqassalluni.
Tikeraarneq naggaserlugu kunngikkormiut Kunngikkormiut umiarsuaanni Dannebrogimi ilassinninnermut aggersaapput nalunaaqutarlu 21.30 Kunngikkormiut umiarsuaat Dannebrog Qasigiannguanut aallassaaq.
Kunngikkormiut Nunatsinnut tikeraarneranni pilersaarutit tamakkiisut kunngikkormiut pisortatigoortumik nittartagaanni takuneqarsinnaapput.
