Kunngikkormiut aningaasaateqarfiat agguaavoq

Kunngikkormiut aningaasanik Kalaallit Nunaannut tunngassuteqartunut sulianut agguaapput.

Aningaasaateqarfik Det Kongelige Grønlandske Fond katillugit 313.000 kronenik marsip naanerani agguaavoq.

Aningaasaateqarfimmiit tapiissutisisut arlallit atuakkiaminnik inaarinissaminnut tapiissutisipput:

Aviaja Kleist Burkal atuakkap ilitsersuutaasussap paffequtit sapangartallit pillugit suliarinissaanut tapiissutisivoq.

Provsti soraarneq Richard Petersen Mathæus evangiliuata kalaallisut atuakkiarinissaanut tapiissutisivoq.

Richard Petersenip qatanngutaa atuakkiortoq H.C Petersen aamma aningaasaateqarfimmit tapiissutisivoq – taanna umiaq pillugu atuakkiorniarpoq.

Ruth Lange aamma taperneqarpoq, peqqissaasut peqqissaasunngorniarfiillu ineriartornerat 1970-imiit 2004-p tungaanut – atuakkiariniaramigit.

Atuartut, timersoqatigiiffiit, spejderit aamma angalanissamut aningaasanik tapiissutisipput. Katillugit inuit ataasiakkaat kattuffiillu 24-it 313.000 koruunit agguarpaat.