Kunngi nersornaaserneqarpoq!
Kunngi Frederiup Qulingiluaata nuliatalu dronning Ingridip Nunatsinnut tikeraarlutik 1952-imi Uummannamiinneranni Frederik Kristensen Uummannami inungorpoq. Kunngi Frederiup napparsimmavimmut pulaarnermini nukappiarannguaq inoorlaaq ilassiartorpaa, taamalu kuisikkami kunngi atsiullugu Frederimmik atserneqarluni, ullumikkut kikkut tamarmik ‘Kunngi’-mik taasarpaat.
‘Kunngi’ eqqumiitsuliornerup silarsuaani assigiinngitsunik aallutaqartarpoq – qalipaasarluni – taalliortarluni erinarsuusiortarlunilu. Ilaatigut taalliani erinnianilu erinarsortartunik suleqateqarluni CD-nngorlugit taallugit ‘Samma Samma Paffa Paffa’ saqqummersinnikuullugit.
Tassa kalaallit kulturiannut sunniuteqarluarsimanini pissutigalugit ‘Kunngi’ Kalaallit Atuakkiortunit ippassaq nersorniarneqarpoq. Nersornaaserneqarnera aamma 20.000 koruuninik aningaasartaqarpoq.
