Tele-Post: Sullitat nunani avannarlerni akisunerunngitsumik oqaluutaqarsinnaassasut
Oqarasuaatit angallattakkat nunani avannarlerni akisunerunngitsumik atorneqarsinnaalingajalerput. Tele-Post taama nalunaaruteqarpoq. Tamannali Tusassinut atuisuuffeqartunut akisunerusunut kisimi atuuttoq, Tele-Postip erseqqissaatigaa.
Allattoq Jonas Fievé
maajip 25-at 2018 11:48
Namminersorlutik Oqartussat attaveqaqatigiinnermut suliffeqarfiutaat nunanut avannarlerni sullissisunik isumaqatigiissuteqarmat, Tele-Postip sullitai nunani avannarlerni Tusass atorlugu nunatsinni akit assingi malitassallu atorneqartut atorlugit junip aallaqqaataaniit internettersinnaassapput SMS-ersinnaassallutillu.
Isumaqatigiissut Danmarkimi, Finlandimi, Islandimi, Norgemi, Sverigemi Ålandimilu atuuttoq, Tele-Post nalunaarpoq. Tamannali Tusassinulli akisunernut atuisuuffeqartunut kisimi atuussaaq.