Kulusummut timmisartuussinissaq taamaatiinnarneqarpoq
Air Greenlandip aqagu januaarip 23-anni Nuummiit Kulusummut uterlugulu timmisartuussinissaralua taamaatiinnarneqarpoq.
Allattoq Mads Lynge
Tamatumunnga peqqutaavoq Kulusummi aperujussuarnera. Tassa Kulusummi Mittarfeqarfiit pingasunngornermi timmisartuussinissap pinnginnerani aputaajaanertik naammassisinnaanngimmassuk.
Taamaattumik aqagu pingasunngornermi Kulusuliartussaagaluit arfininngorpat januaarip 26-anni Nuummiit Kulusummut uterlugulu timmisartuussinissamut ilaasussatut nuunneqarput.