Kulusumiut TM-62 isikkamik arsaluni nunatsinni pissartanngorniunnermi tupaallatsitseqalutik semifinalemut annguttut nunaqqatiminnit tupinnanngitsumik malinnaaffigineqarluarput. Arsartartutoqaasimasoq Justus Poulsen Pilersuisumi sulisoq pissangasunut ilaavoq, Kulusummiullu finalimut anngutissagaluarpata nuannanniarput.
Kulusuk ullumikkut 400-t missaannik inoqarpoq, oqaloqatigisatta ilaanguat aamma oqaropq, ilimagalugu Kulusumi sila ualimut inuerutissasoq, inuit tamarmik fjernsynerniarunarmata.
Angutit arsaallutik Nuummi semifinalerneri ualeru nalunaaqutaq tallimanut aallartissapput, siulliullutik arsaatissallutik TM-62 aamma Kugsak 45. Nalunaaqutarlu arfineq-marlunut K-33 N-48-lu unammissallutik.
