Kulusummiut Connie Hedegaardimut qaannamik tunissuteqarput
Silap pissusaata allanngoriartornera pillugu Københavnimi decembarimi ataatsimeersuarnissamut Kulusummi 5. klassimi atuartut tunissuteqarput. Qajaq 1,5 meterinik takissuseqartoq, uumasunillu assigiinngitsunik issimasulik, poortoriarlugu danskit silap pissusaa pillugu ministeriannut, Connie Hedegaardimut, nassiunneqarpoq.
marsip 02-at 2009 06:55
Qajaq atorlugu oqariartuut tassaavoq silaannaap allangoriartornera meeqqat aamma ernumanerat. - Noap qajaa avatangiisinut tunngasunut ministerimut Connie Hedegaardimut nassiunneqarpoq, silap pissusaata allanngoriartornera pillugu isumasioqatigiinnissarsuarmi, kiisalu taanna sioqqullugu aaqqissuussinerni assigiinngitsuni, nerrivimmi pinnersaatissanngorlugu, kiisalu saqqummersitassanngorlugu ilumut ilungersuullugu inuulluaqqussutitut aamma meeqqat issittormiut ineriartorneq tamanna assut ernumassutigigaat, aamma piniagassat mingutsinneqarnerannik eqqugaareersimallutik, Kulusuup atuarfiani pisortaq, Lars Peter Sterling, Sermitsiaq.gl-imut oqaluttuarpoq.
