Kulusummi saqqummersitsineq

Kulusummi nalliuttorsiornermut ilaatillugu Pele Maratsip borgmester Asii Chemnitz Narup peqatigalugu saqqummersitsineq taaguutilik 'Kulusuk 100' ammarpaat.
Allattoq Elisa Isaksen
aggustip 06-at 2009 16:15

Tassani Kulusummiuaqqat Kulusuk ukiut 100-t matuma siornatigut, Kulusuk ullumikkut kiisalu Kulusuk ukiut 100-t qaangiuppata pillugu qanoq isumaqarnerat takutinniarneqarpoq.

Allagartarsuartigut saqqummersitsisoqarpoq, piffissallu pingasut taaneqareersut ersersinniarneqarlutik, tamatumani meeqqat pimoorussisarlutillu quiasaarsinnaallutik.

Ilaat ataaseq illumi inuup imminut nivinngarsimasup sanianiilluni supermanditut imminut titartarsimavoq.

- Siunissami supermandiorusuppunga, imminnut nivinngartut annaattarniassagakkit, meeraq taanna titartakkani pillugu oqaluttuarpoq.

Allagartarsuuup aappaaniippoq qaqqortariarsuaq kokos, taannalu silap pissusaata allanngoriartornera pissutigalugu Kusulummi ukiut 100-t qaangiuppata nerineqartalernissaanik meeqqat takorluugaannik takutitsilluni.

Kulusummi nalliuttorsiualaarnerit ulluni aggersuni nanginneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq