Kulusummi mittarfik sivisunerusumik aputaajarneqartalissaaq
Kulusuup Mittarfiani aputaajaaniarneq ajornartorsiornareerpoq, aputaajaatit ukiunik 15-inik 20-nik pisoqaassuseqarlutik, suliarikulaneqartariaqarmata.
Timmisartut Kulusuliartussat amerlasuut siorna uniinnarput, mittarfik aputeqarpallaarluni matusariaqartarmat.
Angallannerlu aallarteqqimmat, timmisartut apussinersuit mittarfiup eqqaanniitut qanillugit mittariaqartarput. Tamanna Naalagaaffiup silaannakkut angallannermut nakkutilliisuanit akueriumaneqanngilaq.
Tamatuma kinguneraa, aput maannamiit ungasinnerusumut illuarneqartalertariaqarmat, aputaajaasarnerup sivisunerulerneranik kinguneqartumik, Mittarfeqarfinni immikkoortoqarfimmi pisortaq Ole Gebeche oqarpoq.
Ole Gebecheli isumaqanngilaq, Tamanna mittarfiup matoqqakulanerulerneranik kinguneqassasoq.
Kulusummi mittafiup pisortaanut taartaagallartoq, Alf Friis oqarpoq ,aputaajaatinit atatsinik majimi qinnuteqarsimallutik, tamannali akineqarsimanngitsoq.