Kulusummi mittarfik apummik ulilerpoq

Tunup ilaani apeqattaarujussuarnerata Kulusummut timmisartuussineq ajornarsitikkaa Air Greenlandip nittarsaassinermut pisortaa Christian Keldsen oqarpoq.
marsip 27-at 2008 15:57

Kulusummut qanittukkut timmisartuussisoqarsinnaanissaa qularineqalerpoq. Kulusummut ippassaq timmisartuussinissaraluaq arfininngornermut nuunneqarpoq, Air Greenlandilli qularaa timmisartoq Kulusummut apuussinnaassasoq suli nittaaqattaarmat.

– Kulusuup timmisartoqarfiata aputaajaatai malinnaasinnaanngillat kiisalu niffarlukut ima portutigilernikuupput aallaat navianartorsiortitsisinnaallutik mittarfiup qullii niffarlukunit portoqisunit asserneqaqqammata, Air Greenlandip tuniniaanermut nittarsaassinermullu pisortaa Christian Keldsen oqarpoq.

Mittarfeqarfiit pisortaa Jesper Juhl oqarpoq Kulusummi mittarfik isumannaatsunngorlugu aputaajaasoqassappat sivikinnerpaamik sapaatip akunneri pingasut atorneqartariaqassasut.