Kulusummi illu nipilersortarfimmut nutaamut Islandimiut katersuiniartut

Nunap sanilerisatta maani nunatsinni susoqarnera eqqumaffigineqartupilussuuvoq. Pingaartumik Tunu nuannaralugu pingaartinneqarpoq. Kulusummi nipilersortartut katersuiniullugit qanittukkut katersuiniarluni tusarnaartitsisoqarpoq, aamma Islandimi naalakkersuisut illoqarfimmi illu nipilersortarfimmik nutaamik pilersitsisoqarnissaanut islandimiut aningaasaannik 5 millioner koruuninik tunissuteqarniarlutik aalajangersimapput.
Allattoq Peter Troelsen, Simon Uldum
marsip 28-at 2013 10:11

 

Marsip arfineq pingajuani anorersuarnerani illu nipilersortarfiup nipiersuutillu nungullutik ikuallannerisa kingorna Kulusummi nipilersortarfissamik nutaamik pilersitsinissamut katersuiniartoqarpoq. Pingaartumillu Islandimi katersuiniarneq tapersersorneqarluarpoq, premierministerillu Johanna Sigurdottirip naalakkersuisunut siulittaasumut Aleqa Hammondimut allagaqarpoq Islandimiut katersuiniarnermut islandimiut aningaasaannik 5 millioner koruuninik tunissuteqarniarlutik aalajangersimanerat nalunaarutiginiarlugu.

Kulusummi illu nipilersortarfiup sanaqqinneqarnissaa katersuiniullugu Islandimiut Reykjavikimi tusarnaartitsisarfittaarsuarmi Harpami tusarnaartitsinrmik aaqqissuussisimapput. Ullullu arlaqanngitsut qaangiuppata nipilersuutinik nutaanik atornikunillu pajullutik timmisartorlutik Kulusuliarnissaminnik pilersaarusiorput. 

-Kulusummi sukkanerpaamik nipilersortoqaqqilernissaa piffissamilu qaninnerpaami Kulusummi innuttaasunut iluaqutaasussamik nuannaarutaasussamillu illu nipilersortarfiup sananeqaqqinnissaa kissaatigaarput, katersuiniarnermi aaqqissuiseqataasut ilaat Hjörtur Smárason oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq