Kulusummi 4800 solari kuuppoq
Kulusummi Nukissiorfiit ruujoriutaat ippassaq uuliakuulerpoq, katillugu 4800 liter solar kuuppoq.
Allattoq Oline I. Olsen
Qatserisartut maanna solari qaloorlugu ulapputileruttorput.
Suliarli imaannaangitsuuvoq solari aputip 4-5 meterip issutigisup ataanut kuussimassammat, Nukissiorfimmit nalunaarutigineqarpoq.
Tasiilami qatserisartut pisortaat Hendrik Andreassenip solari 1000 literit missaaniittoq katersorneqareersorivaa.
- solarimik qaloorineq imaannagilaq, ilimanginngilarpulli imaanut kuussimassasoq, Hendrik Andreassen oqarpoq.
Nukissiorfimmi sulisut maanna Kulusummut aallarput, ruujori putunikoq suliariartussallugu