Kulturitoqqat pillugit paasisat nutaat pissangassutaapput

Nunani tamani ilisimatusarneq pillugu atuagassiami, Sciencemi, ualeru nalunaaqutaq sisamanut saqqummertussaq pissangassutigineqarpoq. Danskiusumit ilisimatuussutikkut misissuisartumit, nunarsuarmi tusaamaneqarluartumit, Eske Willerslevimit, sananeqaatit aallaavigalugit misissuinernit Kalaallit siullerpiaat uppernarsineqarlutik qulaajarneqarput.
Allattoq Louise M. Kleemann
maajip 29-at 2008 07:51

Eqqillit siuaavisa naatsorsuutigineqaqqaartumiit ukiut 1000-it sioqqullugit Amerikamiissimanerannik, Willerslev, qaammatit marluk matuma siorna, inuit siulliit anaat misissorlugu uppernarsaatissarsisuuvoq. Oregonip kujasinnerusortaani qaarusuit qinnguanni uppernarsaatit, annamit ujaranngorsimasumit inuup sananeqaatai misissorlugit nassaarineqarput.

Qasigiannguillu eqqaanni nutsat, ukiunik 4000-inik pisoqaassuseqartut, nassaarineqartut misissorneranni Eske Willerslevip ilisimatooqataasalu kalaallit siulitta kikkuunerannik paasisaat tusassallgutigit ualeru nalunaaqutaq sisamanut utaqqisariaqassaagut.

Atuagassiap Science-p, paasisat pillugit susassaqartut tamaasa atsiortillugit aalajangiussimavaat nalunaaqutaq sisamanut aatsaat nutaarsiassaq oqaluttuarineqarsinnaalissasoq.

Taamaammat KNR-ip nittartagaani ualeru sisamaniit paasisat nutaat pillugit atuarsinnaassaatit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq