Kulturimut 1,2 millionit

Qinnuteqartut 29-usimapput, taakkuninngalu 19-it Naalakkersuisunut ilaasortamit, Mimi Karlsenimit, akuerineqarput.

Isiginnaartitsisartut- qitinnermillu takutitsisartut arlallit saniatigut nipilersortartoq Villads Sandgreen, aningaasanik tunineqarpoq. Taanna erinniortup taalliortullu tusaamasarsuup, Henrik Lundip, erinarsuusiaanik tussiusiaanillu nutaanngorlugit suliaqarniarpoq, erinarsuusiaata "Putsut tamaani" ukioq-manna ukiunik hornorujunngortorsiorneranut atatillugu.

Nipilersortartut kattuffiat INNK ataatsimeersuarnissaminut aamma aningaasanik tunineqarpoq.

Inuit Issittormiut Siunnersuisoqatigiiffiata, ICC-p, nunarsuaq tamakkerlugu peqataaffigineqartumik Nuummi aasaru juunip naalernerani ataatsimeersuarnissaanut nipilersortartunut, eqqumiitsulianik takutitsinissanut filmfestivalinullu aamma aningaasaliisoqarpoq.

Aningaasaliissutit katillugit 1,2 millionit koruuniupput, 23.000 koruuniniit 150.000 koruuninut annertussuseqarlutik.

Ulloq qinnuteqarfissaq kingulleq ukioq manna tassaavoq septembarip ulluisa 15-iat.