Kulturikkut tapiissutit agguaanneqarput

Aningaasat katillugit 1,3 millionit koruunit kulturikkut suliniuteqartunut agguaanneqarput.

Aningasaliiffigineqarpaat marluk aappaat isiginnaagassiaavoq, Veronika Kærimit ilitsersorneqartoq. Taanna Kalaallit Nunaata oqaluttuarisaaneranut tunngasuuvoq, nunarsuarlu tamakkerlugu takutinneqarnissaa pilersaarutigineqarluni.

Aningaasaliiffigineqarnerpaasut aappaat tassaapput Nuummi nipilersortartoqatigiit Nuummi aappaagu inuiattut ullorsiornermut atatillugu naapeqatigiinnissaat.

Suliniutit taakku tamarmik immikkut 200.000 koruuninik aningaasaliiffigineqarput.

Aningaasaliiffigineqarnissamik qinnuteqartut katillutik 35-upput, taamaasillutik suliniuteqartut 22-t aningaasaliiffigiineqarnissamik qinnuteqartut itigartinneqartariqarsimallutik.

- Arlallit itigartittariaqarsimavavut. Imaanngilaq kulturikkut suliniutaat tapersersornanngitsutut nalileratsigik, naliliisimavugulli kommunimit kulturimut tapersiutissanit allanit taperserneqarnissaminnut periarfissaqartut, Asii Chemnitz Narup oqarpoq.

Kulturikkut suliniutinut ukioq-manna 2010-mi tapiissutissat katillugit 3 millionit koruuniupput, taamaammat suli aningaasarpassuarnik peqarpoq.