Kulturikkut suliniutit taperneqartorpassuit
Erinarsoqatigiinnut, tusarnaartitsinernut, saqqummersitsinernut, videolianut aningaasat minnerunngitsumillu ICC-p aasamut Nuummi ataatsimeersuarnissaanut atatillugu kulturikkut aaqqissuussinernut tapiissutit agguaanneqareerput.
Kultureqarnermut, Ilinniartitaanermut, Ilisimatusarnermut Ilageeqarnermullu Naalakker-suisup Mimi Karlsenip kulturimut aningaasaliissutit 1 mio. kr.-iusut agguaappai.
Tapiissutit 5.000 aamma 154.000 kr.-t akornanniipput. Qinnuteqarnissamut killiliussap 15. februar 2010-mi naanerani kulturimut aningaasaliissutinit tapiissutinik qinnuteqartut 39-usimapput, taakkunannga 21-t tapiiffigineqarnissamik neriorsorneqarlutik.
Taperneqarput:
- Q.E.K. v. Lauritz Kreutzmann, Reykjavikimi Nordisk – Baltisk kor festivalimut peqataaneq
- Nordisk Koncertkor, tusarnaartitsinermik suliniut ”Mozarts Kroningsmesse”
- Eqqumiitsuliortut Kattuffiat KIMIK, KIMIK-ip Katuami upernaakkut saqqummersitsinera
- Ivalo Abelsen, Sermermiuni eqqumiitsulianik saqqummersitsineq
- Katuami aasaanerani saqqummersitsineq
- Julie E. Hardenberg/Iben Mondrup, Saqqummersitsineq ”KUUK”, Kalaallit Nunaata eqqaani eqqumiitsuliat
- Nipilersoqatigiit Qarsoq, Qarsup ukiunik 30-nngortorsiorluni Danmarkimi tusarnaartitsiartoqattaarnissaa
- Narsap Katersugaasivia Kommune Kujallermi katersugaasiviit sinnerlugit Saqqummiineq saqqummersitsinerlu: ”Alloriarneq siulleq” Nuka Godtfredsen
- Søren Vestergaard Mikkelsen /Familiemusical ”Rasmus the Polar Bear and The Morther of the Sea”
- Lisa Kreutzmann, Bagsværd Kirkemi saqqummersitsineq
- ICC, ICC-p ataatsimeersuarneranut atatillugu Rasmus Lybertip tusarnaartitsinera
- Maanuup Atuakkiorfia,”Inuiaat inissisimanerat”-nnik saqqummersitsineq
- Juno Berthelsen, suliniut misiligutaasoq/eqqumiitsuliorluni videoliorneq
- Buster filmfestivalen,”Buster på farten i Grønland”-imutatatillugu workshopperneq
- GiT – Foreningen Grønland Tivolimi, GiT 2010
- Bolatta Silis-Høegh, Galleri Raschimi saqqummersitsineq
- IPI Press, Aqqaluk Lyngemit ”Messages from the Ice”-mik saqqummersitsineq
- Nive Nielsen, Festivalimi SXSW-mi peqataaneq
- Vor Frelsers Kor Aalborg, Kalaallit Nunaanni tusarnaartiteqattaarneq
- Hans Peter Kleemann, ICC-p ataatsimeersuarneranut atatillugu suliniut Aasuii-Aa
- ICC, ICC-p ataatsimeersuarneranut atatillugu Inuit Art Exhibition
Kulturimut aningaasaliissutinik qinnuteqarnissamut killiliussaq tulleq tassaavoq 15. septembari 2010.