Kulturikkut suliniutit 18-it Aningaasaateqarfik Sermeq aqqutigalugu tapiiffigineqartut
Kommuneqarfik Sermersuup Aningaasaateqarfik Sermeq aqqutigalugu kulturikkut suliniutit 18-it tapiiffigai taakkua 1,3 million kr-ningajannik aningaasartaqarput.
Kulturikkut suliniutit assigiinngiiaartut kommunemi innutaasut qilanaarisinnaavaat.
Tasiilami qarmami titartuinermik pikkorissartitsisoqassaaq.
Kommuneqarfik Sermersuup Tasiilami Nuummilu nipilersornermut ilinniarfiini atuartut paarlaateqatigiinnissannut aningaasaliisoqarpoq.
Kulusummi meeqqat balletsertartut, Nuummi qitittartut Nuuk Qiajuk Dancersikkunnut tikeraarlugit pikkorisarfiginissaannut qilanaarutissaqarput, minnerunngitsumik Det Kongelige Teaters Kompagni B-mi balletsimik qittartuinut qulingiuluaasunut taakkua juunip ulluisa aqqarnganni Nuummut tikittussanut qilanaarutissaqarput aamma.
Islandimiut Cirkusertartut Sirkus Island Kommuneqarfik Sermersuumi angalanissaannut 100.000 kr-nik tapiiffigineqarput.
Aningaasaateqarfiup Sermip aningaasaliinerani tapiiffigineqarnerpaaq tassaavoq isiginnaartitsissusiaq nutaaq Ukiumi Ulloriaq, tassani inuttaallutik Ujarneq Fleischer, Nukaaka Coster Waldau aamma Mike Thomsen.
Aningaasaateqarfik Sermeq aqqutigalugu suliarineqartarput kulturikkut nutaanik suliniuteqartunik misileraasunillu tapersersuineq aamma kulturilerisut, namminersorlutik inuussutissarsiortut kommunimilu innuttaasut assigiinngitsut akornanni suleqatigiinnerulernissamik siuarsaanissaq, aningaasaateqarfik pillugu Kommuneqarfik Sermersooq nittartakamini taama allappoq.
Aningaasaateqarfik Sermeq tulliani 1. oktobari 2018 qinnuteqarfigineqarsinnaavoq.