Nunatsinnut takornariaqanginnera Nuummi Qaqortumilu kingunerluuteqarpoq. Katersugaasiviimmi takornariat isernermut akiliutaat ingerlatsinermut aningaasartuutinut matussuseeqataasarput.

Kulturikkut eriagisat takornariaqanngikkaangat aarlerinartorsiortinneqartartut

Umiarsuarnik takornariartaatinik tikinngittoqanngikkaangat nunatsinni katersugaasiviit annaasaqangaatsiartarput. Taamaakkaangat nunatsinni kulturikkut eriagisat paarinerannut saqqummersitsisarnermullu kinguneqarnerluttarpoq.

Nunatsinnut takornariaqanngikkaangat takornariartitsisartuinnaat aningaasatigut eqqugaaneq ajorput. Nunatsinnimi katersugaasiviit akuttunerusumik isertoqartaleraangamik aamma eqqugaasarput. Nunatta Katersugaasivia Allagaateqarfiata Nuummiittup pisortaa, Daniel Thorleifsen, taama oqaluttuarpoq.

- Siorna aasaanerani akiliillutik isertut 70 procentit missaannik ikinnerupput, taamaammat tamanna koruunit millionit affaaniit millioninut annaasaqarnitsinnik kinguneqarpoq, pisortaq oqarpoq.

Aamma Qaqortumi Katersugaasiviup takornariaqannginnera malugisinnaavaa. Katersugaasivik naapertorlugu umiarsuarnik takornariartaatinut ilaasut 46.000-it missaanniittut Qaqortumut tikittussaagaluarput, taakkuali coronap unitsippai.

- Naak illoqarfimmiunik isertoqarnerusoq malugigaluaripput, isertartut 50 procentinik ikilipput. Tamanna soorunami aningaasaqarnermut eqquingaatsiarpoq, Qaqortup Katersugaasiviani aqutsisoq, Dan Ullerup oqarpoq.

AAMMA ATUARUK Killilersuutit tamaatitsinerillu sumiiffinni takornariaqarnermut akornutaasut

Sipaarniarneq kulturimut eqquingaatsiartoq

Nunatsinnut takornariaqanginnera Nuummi Qaqortumilu kingunerluuteqarpoq. Katersugaasiviimmi takornariat isernermut akiliutaat ingerlatsinermut aningaasartuutinut matussuseeqataasarput. Takornariartukinnerunerali soorunami isertitakinnerunermik soorunami aamma kinguneqarpoq.

- Takornariaqarnermit iluanaaruteqarnissarput naatsorsuutaavoq, maannakkulli amigartooruteqarpugut. Taamaammat kulturikkut sipaarniartariaqarpugut, tamannalu nuannarinngilarput, taamaanneratami kulturikkut eriagisanik katersinerput paarsinerput saqqummersitsisarnerpullu sunnerpaa, Dan Ullerup oqarpoq.

Nunatta Katersugaasiviani Nuummiittumi isertitat aningaasartuutillu oqimaaqatigiisinniarlugit sipaarniarneq aamma malugisinnaavaat.

- Takornariaqarnermi isertitassanik isertitassat annaagangatsigit suliarisinnaasagut taamaatiinnarneqanngikkunik kinguartinneqartariaqarput, akissaqannginnatta. Maannakkut atuakkanik saqqummersitsinissat, isiginnaartitsinissat susassaqartitsinissallu, Hans Egedep nunatsinnut tikinneranit ukiunik 300-nngortorsiornermut attuumassuteqartut, taamaatiinnarpagut, Daniel Thorleifsen oqarpoq.

AAMMA ATUARUK Frustreret krydstogtsoperatør: Hvorfor skal vi udelukkes?

Peqqinnissamut Naalakkersuisoq: Killilersuinerit attatiinnassavagut

Nunarput takornariaqarnerulissappat assersuutigalugu umiarsuarnik takornariartaatinut nunatsinnukartunut malittarisassat qasukkarneqarsinnaasut, Atassutip siulittaasuata Demokraatillu siunnersuutiginikuuaat. Siunnersuutilli piviusunngortinnissaanut peqqinnissamut naalakkersuisup, Kirsten Fenckerip (N) pifisaasorinagu KNR-imut allappoq:

- Maannakkut tuniluuttoqartillugu innuttaasugut taakkulu peqqissusaat salliuppagut. Umiarsuarmi tuniluuttoqassagaluarpat (...) taakku isumaginissaannut isumalluutissaqanngilagut. Peqqinnissakkut illersorneqarsinnaalerpat, assigiinngitsunik qasukkaanissamik misissuisinnaavugut, Kirsten Fencker akivoq.

AAMMA ATUARUK Demokraatit Atassullu: Umiarsuarnit takornariartaatineersunit isertitassaraluit aningaasarpassuit annaavaagut

Malittarisassat maannakkut itsillugit umiarsuit takornariartaatit ullut 14-it iluanni nunani allani umiarsualivinni tulanngasimagunik nunatsinni umiarsualivinnut tulaqqusaanngillat. Tassa imaappoq umiarsuit ulluni 14-ini imaani mattusimaqqaarsimassapput, tamatumalu takornariartitsinissaq ajornakutippaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat