Kulturikkut eriagisarialik serlersaarfigineqarpoq
Illu issunik ujaqqanillu qarmalik Piitarsuup Aqqutaaniittoq pingasunngornerup sisamanngornerullu akornani unnuami maanna kikkuuneri ilisimaneqanngitsunit aserorteriffigineqarsimavoq. Ippassaq juunip qulingani Uummannami politiit misissuinermikkut paasivaat. issutit ujaqqallu piiarneqarsimasut, illup iigai sukkut tamaana ammaneqalersillugit.
- Illutoqaq taanna siulitsinnut eqqaassutissaavoq tassaallunilu kulturimut tunngasuunini pillugu eriagisarialik, politit tusagassiuutinut nalunaarutiminni nalunaarput.
Politiit inunnik serlersaartunik takunnissimasinnaasunik maanna ujaasipput, kinaluuniillu pisumik takunnissimasinnaasoq ilisimannittorluunniit Uummannami politiinut nalunaaqquneqarpoq. telefon 95 12 22-imut.