Kulturi tapersersorlugu angalaaqatigiilerput

Kalaallit kulturiata tapersersornera takutinniarlugu tallimanngorpat septembarip ulluisa 28-ani angalaaqatigiittoqassaaq.

Piareersaaqataasussat inuit 50-it sinneqartut takkussimasut, aaqqissueqataasoq Stina Berthelsen radioavisimut oqarpoq nangipporlu siunertaraarput Isummanik nittarsaassinerup nuannersumik ingerlannissaa.

- Politikerit uparuartorlugit pinianngilagut, kisianni paasitikkusuppagut, kalaallit kulturiata ineriartortinnissaa pingaaruteqarmat. Kulturip tatiginnilersitsisartup inooqatigiinnermi qanoq imartutiginera takutikkusupparput, tamanna kalaallip pisariaqartimmagu minnerunngitsumik aamma kalaallit namminiileriartorneranni kulturi pinngitsoorneqarsinnaanngimmat, Stina Berthelsen erseqqissaavoq.

Aggersaasut neriuutigaat kulturi siuarsarniarlugu suliniarnertik sineriammut siaruaakkumaartoq, aamma pilersaarutigineqalereermat kulturi siuarsarnissaanut isumaqataasunik atsiortitsiortornissaq.

-Siunertaavoq Kalaallit Nunaanni kulturip politikerini pingartinneqarnerulernissaa, Stina Berthelsen oqarpoq.