Kulturi akeqarpoq

Kulturi nunarsuarmi tunisassiarineqarnerpaanut ilaavoq, kalaallillu oqaluttuaaterpassuaqarput aningaasalersorneqarluarunik avammut tunisassiarineqarsinnaalluaraluartunik. Taama isumaqarpoq qallunaaq isiginnaartitsisartoq, Nuummut sapaatip-akunnerata naanerani oqalugiariartorsimasoq, Jens Arentzen.

- Kulturimik avammut tuniniaanissanut, aammalumi tunisassiaralugu iluanaaruteqaataalissappat, nammineq aamma aningaasaliilluartariaqarpoq, soorlu efterskolinik filmiliornermilluunniit ilinniarfinnik aningaasaliilluartarnikkut tamanna anguniarneqarsinnaavoq, Jens Arentzen oqarpoq.

Assersuutigaa Afrikami naalagaaffeeqqat arlalissuit nunanut ineriartortunut aningaasaliissutit iluaqutigalugit, kulturiminnit avammut ukiuni kingullerni tunisassiaqartalersimasut.

Tamanna Kalaallit nunaanni aamma eqqarsaatigineqarsinnaavoq, taamaaliujaanngikkaannimi allat siulliunissaat naatsorsuutigineqarsinnaammat, taamaalillunilu iluanaarutissaagaluit annaaneqarlutik, Jens Arentzen eqqarsaatissiiivoq.